Со одлука на Регулаторната комисија за енергетика донесена денес горивата ќе поевтинат за 3, односно за 2,5 денари по литар. Новите цени на горивата ќе важат од ноќеска на полноќ.
Според новиот ценовник, бензинот „Супер 98“ поевтинува за три денари и ќе се продава по цена од 69,00 денари за литар, а за исто толку се намалува и „Супер 95“ и литар ќе чини 66,50 денари. Цената на дизелот се намалува за 2,5 денари и литар ќе се продава за 60,00 денари.
