Поранешниот претседател на Русија, Дмитриј Медведев, го коментираше денешниот напад на мостот на Крим и рече дека, како што покажуваат руските и светските примери од практиката, кога е во прашање борбата против тероризмот, најдобро е да се бориме против терористите „со јазик на сила, лични и целосно нехумани методи“.
- Искуството покажува дека е невозможно да се бориме против терористите со меѓународни санкции, заплашувања или предупредувања. Тие го разбираат само јазикот на силата, само методите кои се насочени против нив лично, целосно нехумани методи. Затоа, нивните домови и домовите на нивните роднини треба да бидат кренати во воздух. Нивните соучесници треба да се бараат и ликвидираат и да се напушти идејата за започнување судски процес против нив. Најважно е да се уништи највисокото раководство на терористичките формации, без разлика во какви пукнатини се кријат овие инсекти. Тешко е, но и можно – напиша Медведев на Телеграм.
За потсетување, Националниот антитерористички комитет на Русија во текот на денот потврди дека на мостот бил извршен терористички напад, дека две лица загинале, како и дека е покрената кривична постапка и дека службите активно работат на пронаоѓање на кои беа поврзани со целата ситуација.
Нападот, како што додаде комитетот, е извршен со помош на два украински беспилотни летала, за кои советникот на лидерот на ДПР рече дека се дронови на пактот НАТО.
Пронајдете не на следниве мрежи:
