Со Договорот, кој е прв ваков договор меѓу Северна Македонија и Унијата потпишан на македонски јазик, се уредуваат сите прашања неопходни за распоредување тимови за управување со границите од постојаниот корпус на Европската гранична и крајбрежна стража во Репулика Северна Македонија при што членовите на тимот може да вршат извршни овластувања на територија на државава.

Спроведувањето на договорот во земјава е во надлежност на Министерството за внатрешни работи. Согласно Предлог законот за ратификација на договорот, неговата имплементација треба да стапи во сила на првиот ден од вториот месец по датумот на кој страните меѓусебено се известиле за завршувањето на внатрешните правни процедури.

Договорот за ФРОНТЕКС, во присуство на премиерот Димитар Ковачевски и претседателката на Европската комисија, Урсула фон дер Лајен, беше потпишан во Скопје на 26 октомври 2022 година. Параф на документот во свечената сала на Владата ставија министерот за внатрешни работи Оливер Спасовски, еврокомесарката за внатрешни работи Илва Јохансон и амбасадорот на Чешката Република во земјава, Јарослав Лудва, во име на Чешкото претседателство со Советот на ЕУ.

Претставниците на Владата и на Европската комисија се согласија дека потпишувањето на овој прв договор меѓу Северна Македонија и Унијата на македонски јазик, без какви било ѕвездички и фусноти и на јазиците на земјите членки на ЕУ, е потврда на дело за почитувањето на македонскиот јазик и македонскиот идентитет од страна на Европската Унија.

Имплеметацијата на Договорот за ФРОНТЕКС, на оперативно ниво ќе овозможи подобра заштита на границите, брзо распоредување на персонал и опрема на ФРОНТЕКС или на странски полициски службеници на критични точки на границите, а во случаи на ненадејно и брзо влошување на состојбата се обезбедуваат можности за сигурна и континуирана размена на информации и податоци, вклучувајќи оперативни сознанија, разузнавачки податоци, продукти од видео и воздушен надзор, сателитски снимки и слично.

Предлог законот за ратификација на Договорот за ФРОНТЕКС денеска пред да се најде на собраниска седница ќе биде разгледан од страна на матичната собраниска Комисија за надворешна политика и во Законодавно-правната комисија.

Во рамки на пленарната седница меѓу другото се и Предлогот одлуката за испраќање на припадници на Армијата за учество во меѓународната операција на Европската Унија „АЛТЕА“ во Босна и Херцеговина (мај 2023 година до ноември 2023 година), Предлог законот за финансиската инспекција во јавниот сектор, Предлог законот за изменување на Законот за враќање на дел од данокот на додадена вредност на физичките лица, по скратена постапка и Дополнетиот предлог на закон за изменување и дополнување на Кривичниот законик во второ читање.

Собранието на Република Северна Македонија денеска ќе ја одржи 99. седница на која на дневен ред меѓу точките е ратификацијата на Договорот меѓу Република Северна Македонија и ЕУ за оперативните активности спроведени од страна на ФРОНТЕКС – Агенцијата за европска гранична и крајбрежна стража во земјава.

Со Договорот, кој е прв ваков договор меѓу Северна Македонија и Унијата потпишан на македонски јазик, се уредуваат сите прашања неопходни за распоредување тимови за управување со границите од постојаниот корпус на Европската гранична и крајбрежна стража во Репулика Северна Македонија при што членовите на тимот може да вршат извршни овластувања на територија на државава.

Спроведувањето на договорот во земјава е во надлежност на Министерството за внатрешни работи. Согласно Предлог законот за ратификација на договорот, неговата имплементација треба да стапи во сила на првиот ден од вториот месец по датумот на кој страните меѓусебено се известиле за завршувањето на внатрешните правни процедури.

Договорот за ФРОНТЕКС, во присуство на премиерот Димитар Ковачевски и претседателката на Европската комисија, Урсула фон дер Лајен, беше потпишан во Скопје на 26 октомври 2022 година. Параф на документот во свечената сала на Владата ставија министерот за внатрешни работи Оливер Спасовски, еврокомесарката за внатрешни работи Илва Јохансон и амбасадорот на Чешката Република во земјава, Јарослав Лудва, во име на Чешкото претседателство со Советот на ЕУ.

Претставниците на Владата и на Европската комисија се согласија дека потпишувањето на овој прв договор меѓу Северна Македонија и Унијата на македонски јазик, без какви било ѕвездички и фусноти и на јазиците на земјите членки на ЕУ, е потврда на дело за почитувањето на македонскиот јазик и македонскиот идентитет од страна на Европската Унија.

Имплеметацијата на Договорот за ФРОНТЕКС, на оперативно ниво ќе овозможи подобра заштита на границите, брзо распоредување на персонал и опрема на ФРОНТЕКС или на странски полициски службеници на критични точки на границите, а во случаи на ненадејно и брзо влошување на состојбата се обезбедуваат можности за сигурна и континуирана размена на информации и податоци, вклучувајќи оперативни сознанија, разузнавачки податоци, продукти од видео и воздушен надзор, сателитски снимки и слично.

Предлог законот за ратификација на Договорот за ФРОНТЕКС денеска пред да се најде на собраниска седница ќе биде разгледан од страна на матичната собраниска Комисија за надворешна политика и во Законодавно-правната комисија.

Во рамки на пленарната седница меѓу другото се и Предлогот одлуката за испраќање на припадници на Армијата за учество во меѓународната операција на Европската Унија „АЛТЕА“ во Босна и Херцеговина (мај 2023 година до ноември 2023 година), Предлог законот за финансиската инспекција во јавниот сектор, Предлог законот за изменување на Законот за враќање на дел од данокот на додадена вредност на физичките лица, по скратена постапка и Дополнетиот предлог на закон за изменување и дополнување на Кривичниот законик во второ читање.