Кристијано Роналдо, еден од најдобрите светски фудбалери, добива рачно изработени патики од страна на македонскиот уметник Сатја Грабулоски, кој со својата компанија „Swithadot“ прави чуда и продолжува да ги снабдува светските спортски ѕвезди.
По Серхио Рамос, Тигран Барсегјан, Богдан Богдановиќ, Хенрик Михтарјан, Тимур Дибиров, Жоан Кањељас, Андреа Лекиќ… рачната „магија“ на Македонецот дојде и до некогашниот освојувач на Златната топка и најдобар светски фудбалер. Роналдо од компанијата добива патики изработени по своја желба, на кои се исцртани ликот на Португалецот и воедно неговата препознатлива прослава по постигнат гол.
