Руските сопственици се согласија да го продадат својот удел во Нафтената индустрија на Србија (НИС), кој изнесува 56,15 проценти, изјави денес министерката за рударство и енергетика Дубравка Ѓедовиќ Хандановиќ, објави Радио телевизија Србија (РТС).
Ѓедовиќ Хандановиќ нагласи дека името на третата страна не се открива бидејќи станува збор за „деловни преговори на сериозни компании“ и дека „сè додека не завршат или барем не се дефинираат клучните детали, не е сериозно да се зборува за тоа“.
„Ништо не е скриено од јавноста. Како што можете да видите, досега комунициравме многу транспарентно за сè. Нашето барање е јасно: рафинеријата мора да продолжи со работа и што е можно поскоро да се обезбеди нова залиха на сурова нафта“, рече министерката.
Tаа потсети дека 43 дена во Србија не пристигнале пратки нафта од хрватскиот нафтовод Јанаф, а граѓаните тоа не го почувствувале.
„Сега чекаме одлука од американската влада“
„Токму затоа што работевме напорно за да бидеме подготвени за сите сценарија ако и кога ќе се појават предизвици со NIS“, додаде Ѓедовиќ Хандановиќ.
Таа, исто така, изјави дека NIS, преку своите адвокати во САД, поднел барање до американската влада за продолжување на нејзината лиценца за работа, за да може да продолжи со испорака на сурова нафта и да обезбеди континуирано работење на рафинеријата во Панчево.
„Сега чекаме одлуката на американската влада дали она што го предложија, а во кое ние секако сме вклучени, ќе биде прифатено“, рече таа.
Нафтената индустрија на Србија, која е под санкции на САД од 9 октомври поради нејзиното мнозинско руско сопствеништво, вчера поднесе ново барање до Канцеларијата за контрола на странски средства при Министерството за финансии на САД (OFAC) за издавање посебна лиценца што би овозможила непречено работење на компанијата.
The post Русите го продаваат својот удел во НИС appeared first on Во Центар.
