САД ќе достават муниција со осиромашен ураниум во Украина како дел од новиот пакет воена помош од 175 милиони долари, објави Пентагон.
Според соопштението за печатот на Пентагон, најавените испораки од американските воени магацини вклучуваат гранати од 120 мм за тенкови Абрамс со јадра со осиромашен ураниум.
Украинците засега не ги добиле овие тенкови.
Пакетот помош вклучува и муниција, противтенковски ракетни системи, опрема за навигација и комуникација.
Употребата на муниција со осиромашен ураниум е жестока тема за која се расправа.
Меѓународната коалиција за забрана на оружјето на ураниум наведува дека има опасни здравствени ризици од вдишување или внесување на честички со осиромашен ураниум, вклучително и рак или болести кај новороденчињата.
Осиромашениот ураниум, кој е нуспроизвод на процесот на збогатување ураниум, се користи за муниција поради неговата висока густина, што го олеснува пробивањето на оклопот.
Да потсетиме дека портпаролката на Министерството за надворешни работи на Русија, Марија Захарова, изрази сериозна загриженост за плановите на Соединетите Американски Држави за испорака на муниција со осиромашен ураниум во Украина.
– Прво Британците, а сега и американската муниција со осиромашена муниција ќе ја претворат украинската земја во територија опасна по живот – рече таа.
Таа привлече внимание на слични ситуации од минатото, особено споменувајќи ја агресијата на НАТО врз Југославија и инцидентот во кој кинеските дипломати беа цел на бомбардирање.
Пронајдете не на следниве мрежи:
