Русија денес соопшти дека нејзините сили го зазеле градот Курахове, клучно украинско упориште и центар за снабдување во регионот на Доњецк.Руското Министерство за одбрана истакна дека населеното место го бранеле околу 15.000 украински војници.„Ослободувањето на Курахове го лиши режимот во Киев од можноста да го гранатира цивилното население на Доњецк со артилериски системи. Воспоставувањето контрола над Курахове значително ја попречи логистичката и техничката поддршка на групирањето на Вооружените сили на Украина во правец на Доњецк“, соопшти Министерството.Министерството додаде дека руската армија ќе го забрза својот напредок на истокот на Украина по падот на Курахове.Украина сè уште не го коментираше тврдењето, а независната верификација останува предизвик поради тековниот конфликт.