Патријархот Московски и на цела Русија Кирил изјави дека во Руската православна црква (РПЦ) има 957 манастири, од кои 580 се во Русија.

„Во нашата Црква во моментов има 957 манастири (од кои 460 машки и 497 женски), а на територијата на Руската Федерација има 580 манастири (279 машки и 301 женски). Меѓу манастирите има 36 ставрипигијални (17 машки и 19 женски)“, рече патријархот на состанокот на игумени и игумении на манастирите на Руската православна црква.

Состанокот се одржа во Салата на црковните собори на катедралата Христос Спасител во Москва на 25 септември.