Велика Британија и Франција сакаат да префрлат нуклеарно оружје во Украина, тврди прес-службата на Руската служба за надворешно разузнавање (СВР).
„Лондон и Париз се подготвуваат да го вооружат Киев со нуклеарна бомба, елитите не се подготвени да го прифатат поразот. Се верува дека Украина треба да биде опремена со „чудотворно оружје“. Киев би можел да бара поповолни услови за прекин на борбите ако поседува нуклеарна бомба или барем таканаречена „валкана“ бомба“, се вели во соопштението.
Според службата, овие земји разбираат дека е невозможно да се постигне победа над Русија со помош на вооружените сили на Украина, поради што активно работат на трансфер на оружје во Киев.
„Станува збор за таен трансфер на европски компоненти, опрема и технологии во оваа област. Како една од опциите се разгледува француската нуклеарна боева глава со мали димензии TN75 од балистичката ракета лансирана од подморницата M51.1“, соопшти SVR.
Тие додадоа дека Германија мудро одбила да учествува во таа операција.
Интересно е што тврдењето доаѓа на годишнината од руската инвазија на Украина, во која Русија не успеа да ги исполни своите стратешки цели и покрај тоа што жртвуваше стотици илјади војници.
The post Руските разузнавачки служби тврдат дека Велика Британија и Франција произведуваат нуклеарно оружје за Украина appeared first on Во Центар.
