Во интервју за ТВ “Сител“ јавниот обвинител Вилма Рускоска, која од премиерот Зоран Заев беше предложена за раководител на ЈО за гонење на организиран криминал и висока корупција, во однос на случајот “Рекет“ истакна дека Судот мора да ги прифати аудио и видео снимките како доказ. Таа нагласи дека вештачењето на телефонот на Јавниот обвинител Катица Јанева кој минатата недела и беше одземен во врска со случајот “Рекет“ ќе заврши во најскоро време, понеделник најдоцна вторник.  Таа посочи дека синот на Катица Јанева рекол дека вториот телефон и е изгубен во Белград.
Во врска со евентуалниот нејзин избор за раководител на новото ЈО за гонење на организиран криминал и висока корупција, обвинителката Рускоска истакна дека треба да се почека да излезе конечното законско решение од Собранието, но дека таа има доволно искуство, повеќе од 22 години е обвинител и дека доколку биде избрана ќе ја исполни задачата.