Колку што за сега е неизвесно кои функционери ќе ги опфати најавената “метла” на премиерот Заев исто толку е неизвесно дали таа воопшто ќе се случи. Што се однесува до гласините за разрешувањето на министерот за екологија Садула Дураку, тој за “ТВ21“ вели дека за тоа одлучува само Али Ахмети.
– Ние како ДУИ сме коалициски партнер со СДСМ и ние не сме во заеднички чадор со СДСМ. Имаме наше раководство и лидер на партијата – Али Ахмети. Тој заедно со централното претседателство и генералното претседателство одлучува за сопствениот кадар. Никогаш ДУИ не дозволил некој да се меша во внатрешните работи на ДУИ, но и коректно е дека ние не сме се мешале во другите партии, изјавил министерот и потпретседател на ДУИ, Садула Дураку преку телефон за “ТВ21“.
