Шведската манекенка Викторија Силвстед (50) и швајцарскиот милионер Морис Даба (71) се во врска од 2011 година, но нивната врска сè уште секојдневно се шпекулира. Тие решија овие празници да ги поминат на егзотичниот Св. Бартс и фотографите ги снимија додека уживаа во веселба.Многумина често истакнуваат дека 21 година помладата убавица е повисока од партнерот за дури две глави, па затоа веруваат дека единственото нешто што ја врзува за него се парите. Овој мултимилионер е вклучен во меѓународни инвестиции во недвижнини веќе 25 години. Тој има огромен број имоти во Њујорк и Европа. Иако се заедно 13 години, во јавноста нема премногу заеднички фотографии.Нејзиното богатство се проценува на 15 милиони долари. Поранешниот модел на Плејбој е роденa во северниот дел на Шведска. Сакала да биде ветеринар, а со скијање почнала да се занимава на само пет години.Поради повреда на рамото таа се откажа од овој спорт на 16 години. Таа беше Мис на Шведска во 1993 година, а следната година влезе во Топ 10 на изборот за Мис на светот. После тоа се занимавала со манекенство во Париз, а потоа ја забележал основачот на ‘Playboy’, Хју Хефнер. Кон крајот на деведесеттите, таа беше модел за ова списание.Таа глумеше во голем број филмови и серии, вклучително и италијански продукции. Таа со децении важи за една од најатрактивните жени на јавната сцена.