Саудиска Арабија направи неочекуван потег на светскиот енергетски пазар – цената по која ќе им продава нафта на азиските купувачи во ноември е намалена на најниското ниво во последните шест години.

Одлуката е особено интересна бидејќи доаѓа среде една од најголемите геополитички и енергетски кризи на Блискиот Исток во последните години.

Според Reuters, државниот нафтен гигант Saudi Aramco ги намалил официјалните продажни цени за азискиот пазар, додека истовремено ги зголемил цените за други пазари.

Азија е убедливо најважниот пазар за саудиската нафта, а Кина, Јапонија, Јужна Кореја и Индија се меѓу најголемите купувачи.

Намалувањето може да се толкува како сигнал дека Ријад сака да го заштити својот пазарен удел во услови на силна конкуренција меѓу производителите.

Потегот доаѓа во момент кога глобалниот пазар е исклучително нестабилен поради воените случувања, проблемите со транспортот и интервенциите со стратешките резерви.

Во понеделникот цената на нафтата падна за околу два долари откако извозот од Блискиот Исток се зголеми, а земјите од Г7 најавија дополнителни мерки за снабдување на пазарот.

Одлуката на Саудиска Арабија затоа може да биде уште еден сигнал дека, и покрај геополитичката криза, меѓу големите производители започнува сериозна борба за купувачите во Азија.