Вчера на Клиниката за детски болести од компликации од грип почина петгодишно девојче, а денес исто така по добиени компликации грипот ја зеде и втора жртва. Се работи за 24-годишна девојка со Даунов синдром која починала на КАРИЛ.
Вирусот на грип од инфлуенца А, познат уште и како свински грип не беше присутен во Македонија три години. За епидемиолозите при симптоми на грип важна е кондицијата на телото, дали има други заболувања и заради тие компликации состојбата со здравјето може да стане сериозна. Првата жртва беше со дијагностицирана астма, а втората со Даунов синдром.
За само една седмица бројот на болни од грип се зголемил за 50 проценти, а лекарите очекуваат дека тој и понатаму ќе расте.
