Адвокатот Јанаки Митровски реагира на денешната одлука на Собранието за гласање на измените на Кривичниот законик.
– СДСМ предлага, ДУИ поддржува, ВМРО прави кворум. Здружено сите кримоси од политичари среќни. На здравје сите обични смртници што лежите за три паштети! – напиша Митровски на Фејсбук.
Со донесените измени на Кривичниот законик се намалуваат казните за кривичното дело Злоупотреба на службена положба и овластување, се брише ставот 5 од членот 353 кој ја санкционира злоупотребата на службената положба и овластувања при вршење јавни набавки или на штета на Буџетот и на јавните фондови за кој беше предвидена казна од најмалку 5 години затвор, максималната казна затвор за Злосторничко здружение се намалува од 10 на 3 години, а се укинува и проширената конфискација за нелегално стекнат имот. Со намалување на висината на казната на конкретните дела се намалува и должината на нивното застарување.
Пронајдете не на следниве мрежи:
