И додека со години наназад водечкиот моден ‘must have’ во гардероберот на секоја жена беше мал црн фустан, новото нормално и пандемијата на коронавирусот оваа сезона променија многу нешта.
Помина речиси цела година откако на глобално ниво се соочивме со Ковид-19, кој во нашите животи, но и во модната индустрија донесе многу промени.
Имено, сè повеќе време поминуваме дома, па гламурозните модни парчиња паднаа во заборав, но за тоа дека и дома може да изгледате како стилска икона, сведочат пижамите на Викторија Бекам.
Викторија пронашла начин како за своите фанови да креира гардероба која може да се носи и во удобноста на нашите домови. Покрај фармерките, кои ги претстави за време на овогодишната Модна недела и соработка со „Reebok“, каде потпишува модел на хеланки, дошол ред и за прекрасни пижами.
View this post on Instagram
Имено, Викторија во колекцијата со облека има и пижами, кои и сама сака да ги носи. Омилени ѝ се пругастите во кои позирала за фотографија на Инстаграм. Станува збор за модел кој, ако нас нè прашувате, може да се носи и надвор и тоа како беспрекорно скроено шик одело.
Пижамите на Виторија Бекам се направени од лесен памук со темно сини и кремасти пруги, а во понудата исто така има наметка, маска за очи и патна торба со истиот дизајн. Секое парче на себе има и извезено лого од брендот ‘VVB’, додека наметката може да се нарача и со персонализирани иницијали.
View this post on Instagram
„Ова сакам да го носам по напорната работа во понеделник! Опседната сум со овој прекрасен VVB сет на пижами“, напишала дизајнерката покрај фотографијата која ја објавила на Инстаграм.
