Францускиот претседател Емануел Макрон, по дебаклот во првиот круг од вонредните парламентарни избори, ги повика гласачите да се соберат зад „републиканските и демократски“ кандидати во вториот круг, што ќе се одржи следната недела, поточно на 7 јули.

Макрон го поздрави и големиот одѕив на гласачите во денешниот прв круг.

Според првите прелиминарни резултати, на вонредните парламентарни избори во Франција предничи „Националниот собир“ (РН) на Марин Ле Пен со 34,2 отсто, „Новиот народен фронт“ е втор со 29,1 отсто, додека партијата „Преродба“ на Макрон е трета со 21,5 отсто од гласовите, пренесува локалниот портал „Фигаро“.