Воено-политичкиот експерт и поранешен началник на израелската служба „Натив“, Јаков Кедми, за руските медиуми објасни зошто исходот од војната во Украина е веќе однапред „завршена работа“.

Тој кажа и кога ќе започне главната фаза на конфронтацијата меѓу Руската Федерација и САД.

Состојбата во воената зона укажува дека Украина е многу поблиску до енергетска, економска и социјална катастрофа отколку до победа, а предусловите за какви било потреси во Руската Федерација денеска не се гледаат.

Напротив, општеството во Русија се консолидира. Обичните луѓе активно им помагаат на воениот персонал во борбената зона, во се што им е потребно.

Исто така, во однос на територијалната контрола, Москва изгледа подобро од Киев.

Како што истакна Кедми, ослободувањето на регионот Керсон ќе овозможи во иднина да се обезбеди Крим од инвазијата на група од 100.000 припадници на вооружените сили на Украина.

Во исто време, британските разузнавачи го предупредуваат раководството во Киев дека Руската Федерација се подготвува да го зголеми бројот на своите војници на 500.000 луѓе во следните неколку месеци.

Денеска најинтересно е како Западот за себе ќе се извлече од тешката ситуација. Сосема е можно тие сепак да одат на преговори со руското раководство во кои ќе бидат признаени новите граници на Руската Федерација. Во ова сценарио, власта во Киев неизбежно ќе заврши, а за Американците и Европејците тоа ќе биде признавање на поразот, и воен и политички.

„Дури и да се согласи на преговори ќе биде признание од страна на Западот дека ѝ отстапува дел од украинската територија на Русија и дека ги прекинува непријателствата, што е пораз. Веднаш по ова, главната фаза на конфронтација меѓу Русија и САД и НАТО ќе започне. Во оваа фаза целите на Русија ќе останат непроменети – враќање на НАТО во состојбата од 1997 година“, нагласи Кедми.

Останува да видиме колку времето ќе ги потврди или негира ваквите ставови.