Се скратува полицискиот час, народот може да здивне
Ќе исчезнат турканиците пред маркетите, банките кои беа создадени од недостатокот на време кој беше вештачки создаден со полицискиот час.
Почнувајќи од утре, четврток, 23 април, се намалуваат рестрикциите на движењето.
Секој работен ден, од понеделник до петок ќе биде дозволено движењето на граѓаните од 05:00 часот наутро до 19:00 часот. Забраната за движење во целата држава ќе почнува во 19 часот и ќе трае до 05 часот наутро.
За лицата над 67 годишна возраст ќе биде дозволено движење секој работен ден од 05 часот наутро до 12 на пладне.
Младите лица до 18 години ќе може да излегуваат од понеделник до петок од 13:00 до 19:00 часот.
Се намалува и ограничувањето на движење за време на викендите.
Од сега забраната за движење за викенд ќе почнува од 15:00 часот во сабота, а ќе трае до понеделник до 05:00 часот наутро.
Во сабота, за лицата над 67 годишна возраст ќе биде дозволено движење од 05 часот наутро до 11 часот наутро.
Во сабота, младите лица до 18 години ќе може да излегуваат од 12:00 до 15:00 часот.
Повеќе детали на прес-конференцијата во 17 часот.
Пронајдете не на следниве мрежи:Ќе се свикува Парламентот. Собрани се потписи за иницијативата
