Светската здравствена организација (СЗО) издаде глобално предупредување за лекот „оземпик“ – лек за дијабетес тип 2 кој стана популарен како начин за слабеење.Лекот, во форма на инјекции, наменет за лекување на дијабетес, сигнализира и заситеност во мозокот, а почна масовно да се користи за губење на тежината. Ова доведе до недостиг и отвори пазар за фалсификувани лекови.СЗО објави дека фалсификуваниот „Ozempic“ е во пораст, а властите во Велика Британија, САД и Бразил заплениле лажни серии.Здравствен ризик– Ги советуваме здравствените работници, регулаторните органи и јавноста да бидат свесни за овие серии фалсификувани лекови – рече д-р Јукико Накатани, помошник генерален директор на СЗО за основни лекови и здравствени производи.СЗО предупреди дека некои лажни инјекции можеби воопшто не содржат семаглутид или може да содржат други лекови, како што е инсулинот, што доведува до непредвидливи ефекти.– Овие фалсификувани производи можат да имаат штетни последици по здравјето на луѓето – објави СЗО.