СЗО со нова препорака: ДА СЕ ТЕСТИРААТ СИТЕ КОНТАКТИ БЕЗ ОГЛЕД НА СИМПТОМИТЕ

Светската здравствена организација (СЗО) соопшти дека сите лица кои биле во контакт со заразен со коронавирус треба да бидат тестирани, без оглед дали покажуваат симптоми.

Оваа препорака на експертите на СЗО е дадена откако епидемиолозите во САД проценија дека тестовите не се неопходни за оние кои не покажуваат симптоми на болеста.

Експертот на СЗО, Марија ван Керкове истакна дека СЗО препорачува доколку е можно да се тестираат сите контакти, без оглед на развојот на симптомите.

Американскиот Центар за превенција и контрола на болести во понеделникот соопшти дека не е неопходно да се тестираат контакти без симптоми, но американскиот епидемиолог Ентони Фаучи изрази загриженост дека новите препораки на ЦДЦ ќе им дадат на луѓето погрешна претпоставка дека асимптоматското ширење на заразата не треба да биде причина за голема загриженост.

Ван Керкове вели дека тестирањето контакти е од суштинско значење за разбивање на синџирот за пренесување на вирусот.

Таа исто така истакна дека само носењето маска не е доволно, туку дека е неопходно и одржување на физичко растојание и миење на рацете.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.