– Ова опасно заболување може да доведе до канцер
Ако ги забележите следните промени, веднаш обратете се на лекар! Дваесет насто од популацијата го има овој проблем.
Црниот дроб, како најголема жлезда во човечкото тело, е одговорен за бројни витални функции, кои учествуваат во заштита на здравјето на целиот организам. Содржината на масти во здравиот црн дроб е минимална или воопшто не постои. Меѓутоа, ако процентот на масти во црниот дроб е поголем од пет проценти, може да се каже дека имате стеатоза на црниот дроб, т.е. замастен црн дроб. Во повеќето случаи, замастениот црн дроб не предизвикува сериозни компликации, но ако се занемарува, може да доведе до сериозно оштетување на црниот дроб.
Замастениот црн дроб или стеатозата на црниот дроб е честа здравствена состојба (околу 20 проценти од населението го има овој проблем), што подразбира таложење на вишокот маснотии во црниот дроб. Ова се јавува кога црниот дроб не може да ги разгради и преработи вишокот масти (најчесто триглицеридите), па тие се акумулираат во форма на капки во неговите хепатоцитни клетки. Поради таложењето на маснотиите, со текот на времето се нарушува функцијата на црниот дроб и доаѓа до негово замастување.
Исто така, големо количество маснотии наталожено во хепатоцитите на црниот дроб го зголемува ризикот од сериозни здравствени проблеми (дијабетес, хипертензија, бубрежни заболувања, развој на проблеми со срцето и сл.). Појавата на маснотии во црниот дроб не мора да значи дека телото ќе развие заболување на замастен црн дроб, дури и раните фази од оваа болест не предизвикаат проблеми. Меѓутоа, ако не се третира соодветно и не се препознае, ова заболување може да напредува и да доведе до сериозно оштетување на црниот дроб, откажување на црниот дроб, цироза и рак на црниот дроб.
Кои се симптомите на замастен црн дроб?
Почетната фаза на замастување на црниот дроб најчесто не пројавува симптоми и проблеми. Дури со влошување и прогресија на болеста, симптомите стануваат изразени и е неопходно да се реагира што побргу. Симптомите на замастен црн дроб може да бидат многу неспецифични:
малаксаност
вртоглавица
замор
болка или непријатно чувство под десното ребро
надуеност и оток во пределот на стомакот
намален апетит
појава на жолтица
чешање на кожата
црвени дланки
висока температура
Која е најдобра исхрана при замастен црн дроб?
Здравата исхрана базирана на балансирано внесување на разновидна свежа храна е најдобриот „рецепт“ за квалитетен начин на живот. При дијагностицирање на замастен црн дроб, ако имате прекумерна тежина, треба постепено да ја намалите тежината, а потоа да одржувате оптимална телесна тежина. Исхраната треба да се заснова на:
внесување на овошје и зеленчук
внесување на храна богата со растителни влакна (мешунки, житарки со цели зрна)
посни протеини (риба, пилешко, тофу)
намалено консумирање на пијалоци и храна со висока содржина на шеќер, сол, вештачки засладувачи и масти)
прекинување на консумирањето алкохол
