Медокс Џоли, најстариот син на Анџелина Џоли и Бред Пит, го отстрани презимето на својот татко, сигнализирајќи дека не се во добри односи. Овој детаљ беше забележан по премиерата на новиот филм на Анџелина.
Тој работеше како асистент на новата драма „Кутур“ во која глуми неговата мајка. Анџелина Џоли ја играше улогата на Максин Вокер, жена на која ѝ беше дијагностициран рак на дојка.
Кога дотичниот филм, режиран од Алис Винокур, премиерно беше прикажан во француските кина оваа недела, во одјавната шпица беше потпишан како Медокс Џоли.
Анџелина и Бред имаат уште пет деца: Пакс (22), Захара (21), Шајло (19) и 17-годишните близнаци Вивиен и Нокс. Медокс не е првиот што се откажува од презимето на својот татко.
Захара, Шајло и Вивиен го направија ова пред него. Извори за американските медиуми претходно изјавија дека овој нивни потег многу го повредил Бред и дека се надева дека сепак ќе успеат да ја поправат својата врска. Тој ги контактирал неколку пати, но тие не сакале да разговараат со него.
За потсетување, Анџелина поднесе барање за развод во 2016 година откако тој наводно бил насилен кон неа и децата. Разводот беше финализиран во 2019 година.
The post Синот на Анџелина Џоли и Бред Пит се откажа од презимето на татко му: Нов удар за актерот appeared first on Во Центар.
