Премиерот Христијан Мицкоски најави дека следната недела ќе ги почне разговорите за најавената реконструкција на Владата, која, потенцира денеска во изјава за медиумите, влегува во втората половина на мандатот и политички умно е да биде подготвена на секакви сценарија, како што се и предвремени парламентарни избори.
– За кратко време веќе сме во втората половина од нашиот мандат, ќе имаме парламентарни избори, па граѓаните нека одлучат. Дали овие, кои капитулираа, ја ограбија, ја осиромашија и ја уништија Македонија, треба да добијат и еден пратеник, или ние, кои нудиме сосема нов концепт, кој се темели на многу работа, но истовремено бескомпромисна битка и со став за националните интереси. Сме кажале дека наша опција што ја префереираме како Влада е редовни избори во 2028 година, но сме подготвени секогаш доколку тоа опозицијата го бара да излеземе на терен и повторно да победиме – одговори Мицкоски на новинарско прашање за исходот од средбата на претседателката Гордана Сиљановска со нејзината бугарска колешка Илијана Јотова и ставовите за новите барања од Софија.
Како што најави, од следната недела ги почнува разговорите со коалициските партнери за реконструкција на Владата. Најпрвин сакам да ја слушнеме визијата, да видиме дали таа визија се поклопува, па дури потоа можеме да зборуваме за кадровски структури – изјави Мицкоски.
Во однос на кадровските освежувања во ВМРО-ДПМНЕ, најави дека покрај новиот состав на Извршниот комитет и новите претседатели на општинските комитети на ВМРО-ДПМНЕ, во партијата ќе дојдат освежувања и во другите структури: Унијата на млади сили, Унијата на жените, Унијата на ветераните, Патриотскиот институт. Остануваат, посочи, мали финеси, кои ќе треба да се да се доусогласат и очекувам најдоцна следната недела и тоа да го завршиме – рече Мицкоски.
На синоќешните седници на ИК и ЦК на ВМРО-ДПМНЕ беа донесени одлуки за тројца нови членови на ИК и претседатели на над 30 општински комитети.
– Реструктуирањето на ниво на општински комитети и структура во партијата е завршено. Станува збор за триесетина проценти нови луѓе, кои сега добиваат можност да покажат, да работат, не само за партијата, најважно е да работат за државата. Така што, на овој начин остануваат уште некои мали финеси да се доусогласат следната недела и јас очекувам тие да бидат завршени – посочи премиерот Мицкоски, кој присуствуваше на пуштање во употреба на спортската сала „Расадник“ во Кисела Вода.
The post Следната недел а разговори за реконструкција на Владата appeared first on Provereno.
Пронајдете не на следниве мрежи:
