Словенија ја затвора границата кон Италија

Словенија по примерот на Австрија, поради коронавирусот ја затвора границата кон соседна Италија, јави дописникот на МИА од Љубљана.
Ова вечерва го најави премиерот во оставка Марјан Шарец. Границата се затвора за патнички возила, додека товарните и натаму ќе можат слободно да ја минуваат границата.
Владата ги повика сите словенечки граѓани кои се во Италија да се вратат дома, а ова посебно се однесува за тие што престојуваат во земјата туристички.
Претходно и Министерството за надворешни работи апелираше да не се патува во Италија, а властите забранија на аеродромот Брник да слетуваат авиони кои доаѓаат од кризните подрачја.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.