Во снежната бура што погоди делови од Калифорнија загинаа најмалку петмина. Во планинската област на Сиера Невада падна повеќе од 1,5 метар снег. Како што најавуваат метеоролозите нови снежни врнежи се очекуваат за време на викендот, особено на Карпестите планини и на американскиот Средниот Запад.
Од некои делови на Лос Анџелес и Санта Барбара од вторникот во сила е наредбата за евакуација на населението заради опасност од одрони во подрачјата кои минатата година беа зафатени од пожари.
