Собранието уште ги нема добиено амандманите за измените на Уставот и вметнување на Бугарите. Владата треба да ги испрати како овластен предлагач, а собранискиот спикер Талат Џафери кажа дека откако ќе стигнат кај него, тогаш почнуваат да течат роковите.
„Собранието е подготвено во секој момент откако ќе постапат надлежните институции односно овластените предлагачи, ние сме подготвени да постапиме согласно процедурите и роковите предвидени во Деловникот“, рече Џафери.
На дилемата дека тешко тие ќе стигнат до август, Џафери додаде: „Не е проблем дали ќе дојдат до август или кога ќе дојде, прашањето е кога ќе добиеме материјал. Не зависи од тоа дали ќе биде јули или август, септември. Роковите течат откако ќе дојдат материјалите“.
Објасни и времетраењето на првата фази за измените.
„Во првата фаза, од приемот до седницата мора да поминат 30 дена. И на самата седница 10 дена трае дебатата“, објасни Џафери.
Пронајдете не на следниве мрежи: ©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.