Во текот на ноќта и изутринава времето во Македонија беше малку до умерено облачно со слаб југоисточен ветер. Во некои котлини е облачно и има појава на магла. Во текот на денот времето ќе биде сончево со мала до умерена облачност. По одделни котлини маглата ќе се задржи, а се очекува и умерена облачност.
Во Скопје претпладне облачно со појава на магла. Во текот на денот облачноста ќе се намалува, а температурата ќе се искачи до третиот степен.
Во текот на утрешното претпладне ќе има услови за слаби локални врнежи од дожд и снег, а наместа ќе има услови за замрзнат дожд. Во текот на викендот следува период на стабилно и суво време со повисоки температури. Во одредени котлини останува можноста за појава на магла.
