Информацијата ја објави шефот на европската дипломатија Жозеп Борел на својот профил на Икс, посочувајќи дека министрите на ЕУ ќе испратат силна порака за поддршка на борците за слобода во Русија и му ќе оддадат почит на Алексеј Навални
Јулија Навални – сопругата на најистакнатиот руски опозиционер Алексеј Навални, кој почина во петокот во затворот во Сибир – утре ќе присуствува на седница на Советот за надворешни работи на Европската Унија.
Информацијата ја објави шефот на европската дипломатија Жозеп Борел на својот профил на Икс.
„Во понеделник ќе ја пречекам Јулија Навални на Советот за надворешни работи на Европската Унија. Министрите на ЕУ ќе испратат силна порака за поддршка на борците за слобода во Русија и му ќе оддадат почит на Алексеј Навални“,
напиша Борел во објава на социјалната мрежа Икс.
On Monday, I will welcome Yulia Navalnaya at the EU Foreign Affairs Council.
EU Ministers will send a strong message of support to freedom fighters in Russia and honour the memory of Alexi @navalny.
— Josep Borrell Fontelles (@JosepBorrellF) February 18, 2024
Сопругата на Навални во петокот присуствуваше на Минхенската безбедносна конференција од каде што повика рускиот претседател Владимир Путин да биде повикан на одговорност за смртта на неговиот најголем противник и опозициски лидер, Алексеј Навални.
Навални почина на 47-годишна возраст во затворот на крајниот север на Русија на 16 февруари. Веста за неговата смрт ја објави затворската служба, наведувајќи дека починал откако му се слошило по прошетка.
