Дописникот на хрватскиот „Јутарњи лист“, Џино Колега, известува од Бангкок, каде што се случи разорен земјотрес со јачина од 7,7 степени според Рихтеровата скала кој го погоди соседниот Мјанмар и предизвика колапс на облакодер. Градот е во состојба на хаос, улиците се преполни со полиција и амбулантни возила. Луѓето во паника ги напуштаат зградите, барајќи засолниште.
Пешаците се движат подалеку од високите згради, додека амбулантите и полицијата се обидуваат да си го пробијат патот низ гужвата. Итните служби ги евакуираат жителите од станбените облакодери од страв дека може да се срушат, затоа што веќе еден облакодер во градот паднал по земјотресот.
Дописникот Колега истакнува дека состојбата дополнително се усложнува поради високите температури од околу 36 степени. Во овие услови, многумина се чувствуваат лошо, па има зголемен број на интервенции. Паника владее на секој чекор, луѓето истрчуваат од објектите без никакви лични предмети, некои дури и без телефони. Денешниот катастрофален земјотрес предизвика голем број проблеми и предизвици за жителите и властите во Бангкок.
The post Состојба на градските улици: Полиција и возила на итна помош присутни appeared first on 365.mk.
