ОК Струмица Никоб ги отвара вратите за сите љубители на одбојката и спортот, во вторник во СЦ Јане Сандански во Скопје сме домаќини на Холандскиот шампион во Одбојка, Dynamo Draisma Apeldoorn во елитното европско натпреварување ЦЕВ Европска лига на шампиони.
Влезот за овој натпревар е слободен.
ОК Струмица е клуб со голема традиција од 75 години и како актуелен шампион во одбојкарското превенство на Македонија, а со поддршката од НИКОБ Групацијата како генерален спонзор оваа сезона, клубот е дел од елитното европско натпреварување ЦЕВ Европска лига на шампиони (CEV Volleyball Champions League).
По тој повод ќе ни биде чест сите љубители на одбојката и спортот масовно да присуствувате и да не поддржите на првиот официјален натпревар во Европската лига на шампиони на ОК Струмица Никоб како домаќин на 27.09.2022 година во СЦ Јане Сандански Скопје во 19:00 часот, против Холандскиот шампион во Одбојка, Dynamo Draisma Apeldoorn.
Вашето присуство и поддршка би ни било од големо значење и ќе ни биде дополнителен мотив за победа и затоа Ве очекуваме заедно да ја прославиме првата победа на ОК Струмица Никоб.
Влезот за овој натпревар е слободен.
Изјава на македонскиот одбојкарски репрезентативец Владо Милев за медиумите по првиот натпревар во Холандија:
Во Вторник го играме реванш натпреварот од првото квалификациско коло од ЦЕВ Лигата на шампиони против екипата на Динамо Драисма Апелдорн. Првиот натпревар го загубивме со 3:0. Сметам дека тоа не беше нашето вистинско лице. Ова патување во Холандија беше за нас тешко бидејќи патувавме некомплетни, нашите тројца Руски интернационалци беа одбиени за виза и не им беше дозволен влез во Холандија. Покрај тоа што бевме ослабени поради нивното не играње, тоа делуваше и демотивирачки цела екипа. Моравме да комбинираме со составот и реално немавме што да бараме резултатски на тој натпревар освен да се прикажеме во што подобро светло и по мотивирани да влеземе на вториот натпревар. Но , што е тука е , во Скопје ќе бидеме комплетни во полн состав и искрено верувам во успех и победа на нашата екипа на тој натпревар. Екипата на Динамо Апелдорн е составена од млади и перспективни играчи, сметам дека се квалитетни но исто така сметам и дека нашата екипа е подготвена да им се спротистави . Како предност го сметам домашниот терен но и тоа што во нашата екипа имаме доста искусни играчи кои на така битни натпревари можат да се справат со притисокот. Ова е прво историско учество за нашата екипа во Лигата на шампионите и за нас е од огромно значење да направиме добар резултат бидејќи ова го сметам како почеток на еден добар проект во одбојката во Македонија кој заедно со нашиот генерален спонзор Никоб групација планираме да го започнеме. Ја повикувам публиката да дојде во што поголем број затоа што сметам дека фалат добри натпревари и на клубско ниво.
Пронајдете не на следниве мрежи:
