Кадри Весели, претседателот на косовскиот Парламент за „Газета експрес“ рекол дека Приштина ќе добие нова воена опрема која ја донирале Соединетите американски држави и дека започнале со набавка на опрема и оклопни возила.
„САД се наш најзначаен партнер. Ни даваат поддршка во вoopужување и тоа само што почнува. Ќе имаме околу 250 оклопни возила. Тие пристигнуваат. Ќе имаме и друго вoopужување за одбрана на нашиот воздушен и копнен простор“, рекол Весели, пренесува “Танјуг“.
Весели тврди дека доктрината на Приштина не е агресивна. Тоа била доктрина на партнерство, добрососедство и „исполнување на обврската која Косово ја презема со своите меѓународни партнери, на полето на глобалната безбедност“, додавајќи дека војската формирана на 14. декември, претставува продолжение на ОВК и ќе брои околу 5.000 активни војници.
