Задоволни се, велат, со резервите на лекови и се надеваат дека и во иднина на време ќе го имаат лекот кој значи живот.
-Проблеми има и ќе има. Во моментот фактор за хемофилија А и Б има во доволна количина, затоа што тендерот минатата година беше со маратонско доцнење, дури во декември се потпиша, а набавката преку тој тендер почна од јануари. Хемофилија со инхибитори, кај хемофилијата тоа е најлошата компликација бидејќи инхибиторите потешко се менаџираат и тој фактор што го примаат е само за спречување на крвавењето или за престанување на крвавење во моментот. Нивниот тендер заврши на 4 април. Минатата година тогаш се потпиша, додека оваа година се уште не е распишан. Се надевам дека ќе биде за брзо време. Затоа што знаеме во Македонија колку доцнат тендерите. Имаме пет деца на профилакса, со еден фактор што го примаат девет години и за нив има фактор најверојатно до крајот на јуни, изјави претседателката на Здружението на хемофиличари Лилјана Рајчевска.