Старицата Тереза Дојл (65) од Англија е позната по тоа што доаѓа на секој погреб во градот Слау, а причината е неверојатно банална – да се најаде и напие.
Така таа не пропуштила ниту еден погреб во последните 14 години. Откако ќе изјави сочувство на семејството и ќе го испрати покојникот, Тереза се „фрла“ на јадењето и пиењето кое го носи семејството.
Тереза секој пат оди погреб со велосипед. Од дома тргнува облечена во нормална облека, а потоа среде гробиштата облекува црнина и оди по капелите, тврдат нејзините соседи. Меѓутоа на старицата не и е гајле за тоа.
Маргарет Вајтхед неодамна ја погребала ќерка си и останала во шок кога видела како непозната жена се шета меѓу ожалостените на погребот. Таа вели дека Тереза се разборела со неа во текот на изјавувањето на сочуство.
-По погребот јадеше како да не постои утре. На крајот наполни една кеса со храна, седна на велосипедот и отиде, раскажува Маргарет и додава дека старицата од еден погреб отишла разочарана зошто ништо не и дале да јаде.
