Британскиот премиер Кир Стармер го повикува Иран да се вклучи во обновени нуклеарни разговори и се залага за дипломатско решение за заострениот регионален конфликт откако САД се придружија на израелската офанзива против Иран утрово.

„Нуклеарната програма на Иран е сериозна закана за меѓународната безбедност. На Иран никогаш не може да му се дозволи да развие нуклеарно оружје и САД презедоа мерки за ублажување на таа закана“, пишува Стармер на X. „Го повикуваме Иран да се врати на преговарачката маса и да постигне дипломатско решение за да се стави крај на оваа криза“, вели тој.