Пациентите заразени со британскиот сој на коронавирусот кој сега е подоминантен, имаат изразено повисока температура, изјави Милена Стевановиќ, директорката на Клиниката за инфективни болести за емисијата „360“. Вели дека не може да издвои дека смртноста е поголема но дека кај луѓето с еправи страв и паника од исклучително високата температура. Вели дека има разлика во клиничката слика кај пациентите во моментов.
„Што се однесува до различната клиничка слика, сега гледаме пациенти со многу повисоки температури. Објективно, тоа е причина што создава страв, паника кај луѓето, но тоа не се одразува со тешка клиничка слика, таков впечаток не можеме да издвоиме. Но, покачената температура како симптом се појавува. Особено, во споредба со претходниот период кога температурата не мораше да биде 39 или 40, туку напротив беа ниски температури и тоа беше карактеристика како симптом“, изјави Стевановиќ.
Британскиот сој многу побрзо и полесно се пренесува односно трансмисијата е 50 до 70 отсто повисока од изворниот сој.
