Во Србија, студентите кои протестираат испратија отворено писмо до различни верски заедници, барајќи нивна поддршка за планираниот мирен протест во Белград на 15 март. Студентите се обратија до Српската православна црква, Римокатоличката црква, Исламската заедница, како и до протестантските цркви и останатите верски лидери, подвлекувајќи дека нивната иницијатива не е политички мотивирана, туку општествена – со цел да се изборат за вистина, правда и подобра иднина за сите.
Во својот апел, студентите се присетија на трагедијата во Нови Сад, каде што животите на 15 луѓе беа загубени поради уривање на настрешница, како потсетник за неопходноста од колективно делување. Преку писмото, тие ги повикаа религиозните заедници да се приклучат на протестот и да ја поддржат нивната иницијатива за промени. Студентите објаснија дека нивната цел не е уништување, туку создавање – градба на мостови, градење доверба и создавање поправедно општество.
Изразија надеж дека на 15 март, ќе чекорат заедно со граѓаните, сплотени во мир и слога. Во меѓувреме, голем број полицајци опремени за расформирање на демонстрации се веќе поставени во и околу Пионирски парк во Белград. Групи студенти и активисти, кои пешки доаѓаат од различни градови низ Србија, вечерва пристигнуваат во главниот град за да земат учество во протестот утре, а белградските студенти, кои учествуваат во блокадата, им организираа добредојде на Теразије.
The post Студентите во Србија апелираат за единство, полицијата присутна на терен appeared first on 365.mk.
©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола или посебен договор, не е дозволено преземање, користење или реемитување на вестите.
