Домашните мачки можат да го разликуваат мирисот на нивните сопственици од мирисот на странците, покажа новото истражување на Универзитетот за земјоделство во Токио.
Познато е дека мачките го користат своето силно сетило за мирис за да се идентификуваат и да комуницираат со други мачки, но истражувачите сè уште не утврдиле дали можат да го користат и за да разликуваат луѓе, пренесува Би-Би-Си.
Претходните студии за човечкото препознавање од страна на мачките покажаа дека тие можат да разликуваат гласови, да интерпретираат нечиј поглед за да најдат храна и да го променат нивното однесување според емоционалната состојба на личноста.
Во истражувањето учествувале 30 мачки, а истражувачите поставиле пластични цевки или стапчиња со мирис на нивните сопственици, стап со мирис на личност од ист пол, странец и чист стап пред нив.
Брисевите со мирисите се триеа под пазувите, зад ушите и меѓу прстите на сопственикот или на странец, а мачките потрошија значително повеќе време на мирисот на непознати луѓе во споредба со нивниот сопственик или празно стапче, што укажува на тоа дека можат да разликуваат мириси на познати и непознати луѓе.
„Потребни се експерименти во однесувањето во кои на мачките им се прикажуваат повеќекратни стимули на мирисите на познатите луѓе и би требало да најдеме специфични модели на однесување кај мачките кои се јавуваат само како одговор на мирисот на сопственикот“, вели научникот Хидехико Учијама.
Пронајдете не на следниве мрежи:
