Стјуардеса од Соединетите Американски Држави, Шер Далас, сподели совет за тоа како да се облечат патниците во авион, наведувајќи дека никогаш не треба да носат шорцеви.
На својот профил, Далас често споделува совети поврзани со воздушниот сообраќај, а листата на теми за кои зборуваше вклучува и облека што патниците ја носат на летот.
„И додека сите ми се лутат кога велам дека не носат шорцеви во авиони – колку пелени мислите дека ми се сменија само на мојот еден лет? Четири“, почна да објаснува таа.
Потоа таа продолжи: „Колку пати мислите дека им рековме на луѓето да не го прават тоа? Три. На луѓето не им е гајле.“
Таа истакна дека сите биле пелени што им се вадат на бебињата по празнење на цревата.
„Ги менуваат на седиштето, а сакаш кожата да ти го допре тоа?“ праша таа.
Иако авиокомпаниите редовно ги чистат кабините помеѓу летовите, темелната дезинфекција на седиштата честопати не е изводлива поради зафатениот распоред и краткиот престој на авионот на земја.
Ткаенините на седиштата апсорбираат разни нечистотии, пот и бактерии што се акумулираат со текот на годините, поради што контактот на гола кожа со материјалот носи значителен хигиенски ризик. Поради оваа причина, членовите на екипажот сè повеќе апелираат до патниците да избегнуваат кратка облека и со тоа да го намалат директниот контакт со површини што ги користат стотици луѓе за краток временски период.
The post Стјуардеса советува да не се носи еден вид облека кога се патува со авион appeared first on Во Центар.
