Врховниот суд на Бразил денеска нареди „итна суспензија“ на платформата Х во таа земја откако истече рокот на компанијата да назначи правен застапник во Бразил.Последниот потег е последен во серијата спорови меѓу Врховниот суд на Бразил и сопственикот на платформата X, Илон Маск, вклучувајќи го и замрзнувањето на финансиските сметки на сателитски интернет провајдер Старлинк во Бразил, објави Ројтерс.Судијата на Врховниот суд Алесандре де Мораес нареди целосно суспендирање на платформата додека не се исполнат сите судски наредби, вклучително и плаќање на казна од 3,28 милиони долари и назначување правен застапник во Бразил.Судот, исто така, нареди регулаторното тело за телекомуникации Анател да го изврши судскиот налог и во рок од 24 часа да му потврди на судот дека го извршил.Судијата, исто така, нареди поединци или компании кои се обидуваат да пристапат до социјалната мрежа Х може да бидат казнети со парична казна од 50.000 реали (повеќе од 8.000 евра) дневно.Платформата Х претходно рече дека очекува судијата наскоро да ја исклучи оваа мрежа.Бразилскиот претседател Луис Инасио Лула да Силва претходно денеска изјави дека сопственикот на платформата X Илон Маск мора да ги почитува пресудите на Врховниот суд на Бразил.На почетокот на овој месец, Платформа Х соопшти дека „веднаш“ го повлекува својот преостанат персонал во Бразил, велејќи дека Мораеш му се заканил на правниот претставник на компанијата во земјата со апсење, според агенцијата.Според бразилските закони за интернет, социјалните медиуми мора да имаат претставник со седиште во земјата.Судија на Врховниот суд во Бразил отвори истрага против Илон Маск во април, откако американскиот милијардер рече дека повторно ќе ги активира сметките на платформата X, за кои судот претходно нареди блокирање, поради наводни врски со екстремната десница и ширење дезинформации на платформите. .