Крушите се полни со антиоксиданси и билни влакна кои се одлични за нашето тело. Содржат витамин Ц, витамин К, бакар и калиум.
Крушите се супер храна против стареење. Еден од антиоксидансите кој го содржат – процијанидин, се покажува дека ја олеснува работата на срцето. Исто така се покажало дека го намалува и нивото на лош холестерол во крвта.
Друг антиоксиданс во крушите – кверцетин, го намалува ризикот од висок крвен притисок и висок холестерол.
Во едно истражување во кое учествувале 20.000 луѓе во текот на 10 години, се покажало дека доколку секој ден внесувате 25 грама овошје со бела средина (како крушата), значително се намалува ризикот од мозочен удар.
Иако се слатки, овие овошки се поврзани и со намален ризик од дијабет. Диеталните влакна помагаат за побавно варење на храната и телото има повеќе време за да ги разгради вишокот шеќери.
