Приказна за гимнастичарката од Азербејџан, Зејнаб Џавадли, која се омажила за шеикот Саид бин Мактум.Пред седум години, познатата гимнастичарка од Азербејџан, Зејнаб Џавадли, стана трета сопруга на богатиот арапски шеик Саид бин Мактум. Саид е принц, член на владејачкото семејство на Дубаи и милионер чие богатство се проценува на приближно 1,5 милиони долари. Меѓутоа, по пет години брак, шеикот и’го претворил животот на Зејнаб во пекол. Последните слики на арапската принцеза ја прикажуваат во ужасна состојба – плаче и во неверување, моли за помош … Последнава година практично ништо не се знае за неа. Што се случи со неа. Зошто животот во луксузна палата бил толку несреќен за Зејнаб? Пред 31 година, Зејнаб е родена како обично девојче во Баку, во Азербејџан, во нормално семејство. Таа напорно работеше на себе и стана позната гимнастичарка. Неколку пати стана шампионка на својата земја, освојуваше титули и златни медали, а потоа во 2012 година поради повреда мораше да ја заврши спортската кариера. Три години подоцна, нејзиниот живот целосно ќе се промени. Таа се запознала со Саид бин Мактум, член на владејачкото семејство во Дубаи. Таткото на Саид некогаш бил емир на Дубаи, а сега на оваа позиција е неговиот вујко. И покрај драстичната разлика во нивното потекло, Зејнаб и Саид имаа нешто заедничко – љубов кон спортот. Освен што е исклучително богат шеик, Саид е и поранешен олимпиец во стрелаштво. Во 2015 година, оваа двојка се запозна на спортски натпревар во Азербејџан, таа беше импресионирана од неговите спортски и човечки квалитети. Меѓутоа, се покажало дека шеикот веќе бил оженет и имал две сопруги и девет деца во тоа време. Првата сопруга беше негова роднина, втората беше „обична“ келнерка од Минск.Тоа беше судбинаНе долго потоа, Саид и’ понудил на Зејнаб да стане негова трета сопруга. Таа се согласи. Само неколку месеци откако се запознале. Оваа свадба ја изненади јавноста, новинарите ја прашаа како се согласи да биде трета сопруга, таа одговори дека не бара богат сопруг. Според неа, тоа било едноставно судбина. По свадбата, нејзиниот живот од корен се промени. Некогаш скромната професорка по гимнастика се преселила во луксузна палата во Обединетите Арапски Емирати и на Саид му ги родила трите ќерки. Таа живеела со своите деца во посебна палата и никој не знаел каков однос имала со другите две сопруги на Шеикот.Како изгледале нејзините денови, како живеела, никој не знаел. Судејќи по сликите кои ги објави на Инстаграм, сè изгледаше „нормално“. Сè додека еден ден не објавила видео на кое вика за помош. Излегува дека нејзиниот живот е далеку од бајка. Напротив, таа живееше во пеколот. Во 2020 година, нејзиниот сопруг се иселил од луксузната палата и се сместил во приватна вила. Но, Саид одлучил неговите ќерки да останат со него во палатата. Така започнало мачењето кое траело девет месеци, таа трпела психичко и физичко малтретирање. Шеикот испрати луѓе да ја затворат неа и децата. Животот под клуч„Без вода, без храна, без ништо. Девет месеци сме отуѓени. Се плашам дека ќе ја кренат вратата во воздух и ќе ми ги однесат децата“, рече Зејнаб, која мораше да се заклучи со децата за да го спречи луѓето на Шеикот да не ги одведат. Додала дека и’ го зеле и мобилниот телефон во кој имала докази за малтретирањето кое го трпела. Зејнаб сакала да ги напушти Емиратите заедно со своите деца, да живее слободно, дури контактирала и со амбасадата на Азербејџан, но се чини дека никој не сакал да и’ помогне. Тие рекоа дека ништо не можат да направат во таа ситуација.
Оваа година Зејнаб треба да се појави пред судот во ОАЕ, а семејството Мактум ќе се обиде да и’ го одземе старателството над децата и да и’ ги одземе сите родителски права. Судењето сè уште е во тек.
Пронајдете не на следниве мрежи:
