Камала влезе во историјата. Таа беше првата Афроамериканка државна обвинителка во Калифорнија, а сега прва жена Афроамериканка која што ќе ја преземе должноста на потпретседателка на САД.
Таа е моќна жена која што исто така изгледа многу убедливо со својот моќен стајлинг.
Нејзината бела комбинација се издвојува од темните бои за кои што се определуваат поголемиот дел од жените и има целосно друго значење.
Таа оддава почит на припадниците на движењето за еднакво право на глас на мажите и жените, односно воведување на женското право на глас. Во почетокот на 20-от век „суфражетите“ се бореле во бои: бела, виолетова и зелена – за женското право на глас.
Нејзиниот избор на облека ја покажува модната софистицираност. Темните панталони и одговарачката маица или пак кошула ја доловуваат нејзината тенка силуета која што е комплетирана со сиво кроено сако.
Но, 56-годишната дама и тоа како знае да се облече елегантно, со високи потпетици, марами, фустани… Таа на свечени настани воглавно бира темни црни фустани кои што исто така ја доловуваат нејзината елеганција и едноставност.
Во таков блескав фустан таа се појавила со нејзиниот сопруг Даглас Емхоф на свеченост за која што потпретседателката меѓу другото избрала да носи сандали кои што биле во центарот на вниманието.
