Мекензи Корнел (11) од Охајо се удавила додека се обидувала да ја спаси својата помлада сестра (9) од давење во хотелски базен. Страшна трагедија се случила за време на забава покрај базен во хотел во кој немало спасител.

На девојчињата им била дадена реанимација по пристигнувањето на брзата помош, но за жал 11-годишното девојче починало.

Таа била прогласена за мртва по пристигнувањето во болница, пишува Тајла.

„Помладата сестра влегла во подлабокиот дел од базенот и не знаела да плива, а постарата сестра скокнала по неа за да ја спаси, но се удавила. Нема поголема љубов од сестринската љубов“, рекла маќеата на девојчето, Хелен Корнел.

Починатото девојче било во четврто одделение во основно училиште. Нејзината учителка Кристи Дејвис изјавила дека таа е убава девојка, полна со љубов и внимание.

Во споменот што беше објавен, членовите на семејството и пријателите ја паметат како мало девојче кое „уживало да биде надвор, особено со баба и во градината за да и помогне“.

„Таа беше смешна, брилијантна и сакаше да црта. Повеќе од сè ги сакаше нејзината сестра, мачките и кучињата. Беше најсреќна кога им помагаше на другите. Беше нежна и љубезна душа. На нејзините учители ќе им недостасува нејзината насмевка“, пишува во споменот.