Шефот на пратеничката група на Алијансата за иднината на Косово, Бесник Тахири, смета дека на парламентарните избори на 9 февруари граѓаните ќе гласаат против актуелната влада, која според него е најслабата во историјата на Косово.
Тахири на социјалната мрежа „Х“ изрази уверување дека неговата партија ќе има најдобар резултат на претстојните избори.

„АБК никогаш во својата историја не била посилна од овие избори. Со коалицијата што ја има, со локалната власт во пет општини што ја има и со многу прецизното позиционирање на нашиот лидер. Изборниот резултат ќе биде изненадување, АБК ќе има најдобар резултат 9 февруари ќе биде казнено гласање против најслабата влада во историјата на државата“, рече Тахири.