Вечерва на булеварот „Партизански одреди“ во Скопје се случи тешка сообраќајна несреќа, во непосредна близина на местото каде што минатата година трагично загина младата Фросина Кулакова, пренесува порталот Faktor.mk.

Според информациите објавени од Фактор, во несреќата учествувале три возила – „Голф“, „Мерцедес“ и „БМВ“, кои по силниот удар се извртеле на коловозот. Сведоци на настанот испратиле фотографии до редакцијата, на кои се гледа голема материјална штета на возилата.

Засега нема информации за повредени лица, а причините за несреќата се истражуваат.

Според првичните сведоштва, до судирот дошло поради неприлагодена брзина на возачите.

Повеќе детали се очекуваат по завршувањето на увидот од страна на полицијата.