Петчлениот екипаж во исчезнатата подморница Титан загинаа во „катастрофална имплозија“, изјави вчера официјален претставник на крајбрежната стража, завршувајќи ја масовната потрага по подморницата на која ѝ се изгуби трагата додека се спушташе до „Титаник“.
Подводен робот без екипаж испратен од канадски брод ги најде деловите од имплодираната подморница вчераутро на околу 488 метри од лакот на „Титаник“, на 4 километри под површината, изјави контраадмиралот на американската крајбрежна стража Џон Маугер на прес-конференција.
„Остатоците се во согласност со последици од катастрофалното губење на комората за притисок“, рече Маугер.
Претседателот на Меѓународната асоцијација „Титаник“, Чарлс Хас, денеска изјави дека е време „сериозно да се размисли“ дали да се прекинат нуркањата до местото каде потона славниот брод „во име на безбедноста“, по загубата на подморницата Титаник и нејзиниот екипаж.
Во соопштението за печатот, Чарлс Хас рече дека членовите на здружението се „длабоко потресени и скршени“ од смртта на сите пет лица на Титан. Тој повика на „сеопфатна“ истрага од страна на американската крајбрежна стража и другите истражни тела „за темелно да се истражи дизајнот, структурата, комуникациските и безбедносните системи на подморницата, политиките на сопственикот и подготовките и процедурите за итни случаи“.
Хас во изјавата рече дека „ги охрабрил членовите на здружението да контактираат со законодавците за да се осигураат дека оваа истрага е покрената“.
„Како што ‘Титаник’ му одржа на светот лекции за безбедноста, така треба да биде и загубата на Титан“, рече тој, додавајќи: „’Титаник’, исто така, го научи светот за опасностите од дрскоста и преголемото потпирање на технологијата. Трагичниот крај на оваа експедиција покажа дека оние сè уште треба да се извлечат лекции“.
Претседателот на здружението изрази сочувство до семејствата на загинатите патници и рече дека се надева оти нивната загуба „уште еднаш ќе го инспирира светот да ја осигура безбедноста на загрозените во морето“.
„Време е сериозно да размислиме дали патувањата на луѓе до потонатиот брод ‘Титаник“ треба да завршат, во име на безбедноста, со оглед на фактот дека сè уште имаме релативно малку да научиме за потонатиот брод“, додаде тој.
Поранешен командант на подморница рече дека верува оти пазарот за туризам на длабоко море ќе продолжи и покрај инцидентот во Титан.
Френк Овен, пензиониран австралиски поморски офицер, изјави за Sky News дека Титан, подморницата на OceanGate, „била необична на толку многу начини“, додавајќи дека оние што сакаат да преземат патувања во длабоко море сега сигурно ќе преземат мерки на претпазливост.
Тој рече дека има само четири подморници во светот, вклучувајќи го и Титан, способни да одат до екстремни длабочини.
„Три од нив се целосно независно сертифицирани од агенции како американското биро за превоз“, додаде Овен.
„Секоја од овие организации обезбедува јасна патека за разбирање на ризикот за да се осигура дека сите лекции што ги научиле од годините на сертификација и евалуација се вградени во правилата“, рече тој.
Тој рече дека пазарот на патувања „веројатно ќе се саморегулира“ бидејќи патниците ќе бараат да се провери бродот на кој се наоѓаат пред да тргнат на какво било патување.
