Врховниот лидер на Иран, ајатолахот Али Хамнеи, ја водеше молитвата по четири години, ја држеше со пушка покрај себе како што налага традицијата и најави напад врз Израел доколку е потребно.– Непријателот на Иран е ист како непријателот на Палестина, Либан и другите муслимански народи. Нападот на Хамас врз Израел минатиот октомври беше легитимен чин. Исто така, брилијантната акција на нашите вооружени сили пред неколку ноќи беше целосно легална и легитимна. Иран повторно ќе го нападне Израел ако биде потребно – рече Хамнеи.

Тој додаде дека Палестинците имаат законско право да се бранат.– Израел никогаш нема да ги победи Хамас и Хезболах. Народот на Палестина има право да застане за себе, да се спротивстави на криминалците и да се брани од непријателот кој ја зазеде нивната земја. Не постои суд или меѓународна организација што може да го обвини палестинскиот народ дека едноставно ја брани својата татковина – рече Али Хамнеи.