Трамп игра голф, за прв пат од прогласувањето на вонредната состојба

Претседателот на САД, Доналд Трамп, вчера играше голф за прв пат откако во март беше прогласена вонредна состојба поради коронавирусот, сакајќи да испрати порака дека државата се враќа во нормала.
Претседателот Трамп го посети неговиот Национален голф клуб Трамп во предградието Вашингтон.
Трамп последен пат играл голф на 8 март, во неговиот клуб во Вест Палм Бич,на Флорида.
Трамп ја промовира идејата дека Соединетите држави се враќаат во нормала, иако бројот на починати од коронавирус се очекува да надмине сто илјади во наредните денови.
Американците го одбележуваат Денот на сеќавање за паднатите американски војници во понеделник, на 25 мај, поради што ќе имаат продолжен викенд.
„Бидете надвор, играјте голф, играјте тенис со обележани топки, одете на плажа, но бидете на два метри оддалечени“, им порача на граѓаните Дебора Биркс, координатор на Кризниот штаб за коронавирус на Белата куќа на прес-конференцијата во петокот.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.