Криминални албански групации користат комбиња за да ги транспортираат нелегално заработените пари од Велика Британија, инвестирајќи во луксузни часовници за своите курири кои се претставуваат како туристи, со цел парите потоа да ги пренесат во Албанија. Според извештаи на албанска медиуми, кои се повикуваат на британскиот весник “Дејли Мејл”, овие активности се користат за финансирање на раскошен живот во нивната домовина. Во извештајот се додава дека во крајот на предходната година во британските затвори имало значителен број Албанци осудени за тешки кривични дела, вклучувајќи убиство и шверц на луѓе. Весникот наведува дека албанските криминални банди успеале да стапат во директен контакт со колумбиските картели и успешно да ги изминат локалните ривали, со што доминирале во продажбата на кокаин во Велика Британија.
Исто така, Националната агенција за криминал (NCA) и албанското Специјално обвинителство против корупција и организиран криминал (СПАК) потпишале договор за соработка во минатата година. Целта на оваа соработка е да се ограничи текот на криминално стекнати средства кон Албанија и да се спроведат истраги во врска со имотите на албанските граѓани кои се осудени во Велика Британија. Податоците покажуваат дека во 2010 година, само 1,5% од странските затвореници во Англија и Велс биле од Албанија, додека кон крајот на 2024 година таа бројка пораснала на 10,6%, што е значајно повеќе во споредба со другите странски нацији.
